Револтот на лекарите и вработените во Детската болница „Козле“ не завршува. Поплаките почнаа кога беше избрана новата директорка, Каролина Симоновска, на која се жалат вработените. Меѓу многуте загрижености, во отвореното писмо упатено до Премиерот и Министерот за здравство, група лекари ја изразуваат својата загриженост дека новата директорка го уништува Кабинетот за бронхоскопија, каде по несогласувањата, дојде до низа оставки и отпуштања на стручен кадар.
„Со ова менаџирање, директорката постигна од извршени 67 бронхоскопии 2023 година, преку 40 бронхоскопии извршени од јануари до јуни 2024 година, вкупната бројка на бронхоскопии од почетокот на нејзиното директорување до сега, да ја сведе на само 3 бронхоскопии. “, се вели меѓу други работи во отвореното писмо упатено до Премиерот и Министерот“, се вели во дел од писмото.
Министерот за здравство, Арбен Таравари, за ТВ21 потврди дека го добил писмото и дека за ова прашање ќе разговара и со директорката.
„Да, добив писмо од колективот каде се потпишaни вработените, главно лекари. Сега треба разговарам и со директорката. За да се донесе одлука, мора да се слушнат сите страни“, вели Арбен Таравари.
За ова прашање ТВ21 го праша Таравари на почетокот на октомври, кој рече дека доколку се потврди лошото однесување од страна на директорката, ќе бидат преземени мерки од Министерството за здравство. Сепак и после ова, директорката Симоновска продолжува со извршување на функцијата.
Имаше и политички реакции во врска со оваа прашање. Пред неколку месеци СДСМ го покрена оваа прашање, додека денеска преку писмена реакција Алијансата за Албанците, дел од Европскиот фронт, обвини дека „на клиниката Козле директорката, Каролина Симоновска, ги тероризира вработените, a Таравари се плаши да ја отпушти.
ИЗВОР: ТВ 21
