Доколку претседателските избори во Франција се одржат оваа недела, кандидатката на екстремно десничарската партија „Национален собир“, Марин Ле Пен би добила најмногу гласови во првиот круг.
Ова го покажуваат резултатите од истражувањето спроведено од агенцијата за истражување на јавното мислење Ифоп за „Фигаро“ и Радио Суд.
„Рејтингот на Марин Ле Пен се зголеми за два поени во однос на истата анкета во септември, тој е речиси на нивото на Франсоа Митеран во 1974 година“, изјави Фредерик Диби, генерален директор на Ифоп, пренесе „Фигаро“.
Според истражувањето, објавено денеска, Ле Пен, би добила 38 отсто од гласовите, додека Габриел Атал како кандидат на центристичките партии би освоил 20 отсто од гласовите. гласовите.
„Во случај Ле Пен да ги вкрсти копјата со актуелниот градоначалник на Авра, Едуар Филип, кој најави дека ќе се кандидира за претседател, разликата ќе биде помала: Ле Пен би добила 36 отсто од гласовите, а поранешниот премиер Филип 25 отсто од гласовите“, се наведува во истражувањето.
Извор: 24vesti.mk
