Бајден: Економскиот план на Трамп ќе биде „катастрофа“

December 11, 2024
1 min read

Американскиот претседател во заминување Џо Бајден ги оквалификува економските планови на неговиот наследник Доналд Трамп како „катастрофа“ во говор во кој укажа на успесите на неговата администрација.

Според Бајден, плановите на новоизбраниот претседател Доналд Трамп да воведе огромни царини и да ги намали даноците, се потег што ќе ја ослабне американската економија.

„Се молам на Бога новоизбраниот претседател да го отфрли Проектот 2025. Мислам дека тоа ќе биде економска катастрофа за нас и за регионот“, рече Бајден во Институтот Брукингс во Вашингтон.
Бајден предупреди дека плановите на Трамп во голема мера ќе им користат на богатите и ќе го сменат „напредокот“ постигнат во изминатите четири години кон зајакнување на работничката класа.

„Трамп изгледа решен да воведе високи, универзални тарифи за сите важни стоки внесени во оваа земја поради погрешното верување дека странските земји ќе ги сносат трошоците за тие тарифи, а не американскиот потрошувач“, рече Бајден.

Бајден го обвини Трамп за лошо управување за време на пандемијата и продлабочување на рецесијата и предупреди дека планот на Трамп да ја обнови серијата даночни олеснувања, што истекуваат наскоро, ќе го зголеми дефицитот или ќе резултира со намалување на благосостојбата.

Тој се осврна и на критиките на некои демократи за економската политика што ја водел во изминатите четири години, за кои некои тврдат дека довело до пораз на потпретседателката Камала Харис на изборите, укажувајќи дека за време на неговиот мандат земјата влезе во „нова фаза на економско закрепнување“ со инвестиции во индустријата и потрошувачката.

Бајден ги обвини пандемијата и руската инвазија на Украина за порастот на инфлацијата и призна дека Американците се уште се соочуваат со високи цени, но истакна дека САД го надминаа опоравувањето на пандемијата во целина подобро од која било друга развиена земја.

Извор: 24vesti.mk

MARKETING

MARKETING

MARKETING

Претходно

Намалена видливост поради магла на планиските премини Ѓавато и Страцин

Следно

Груби и Беџети на црната листа на САД, судството и политичарите бараат истрага и решавање на случајот

Latest from Blog

Тошковски: Добро е што ДУИ се огради од „бегалецот од правдата“, ги охрабрувам и во иднина да го сторат истото

Не би сакал да шпекулирам каде се наоѓа Артан Груби. Битно е дека е распишана меѓународна потерница по лицето кое имаше голем број на изјави во медиумите дека чист е како солза

Најави за обилни врнежи од дожд и снег

Метеоролозите за утре најавуваат врнежи од дожд и снег во пониските места, а на планините и повисоките места од снег. Врнежите ќе бидат пообилни во западните и крајните источни делови (над 25

Јанев: Акцијата во Арачиново е показател за борбата против криминалот без компромиси

Директорот на БЈБ, Александар Јанев вели дека борбата против криминалот е еден од нивните приоритети. Истакнува дека пораката е јасна, криминалот во Македонија веќе не е исплатлив. -Се бориме неселективно и решително,

ВИДЕО: Рампите кренати, на патарина Гостивар никој – возачите слободно си поминуваат!

Вечерва никој нема на патарината на автопатот Гостивар – Тетово, јавува репортерот на ТВ21. Според информациите од терен, во кабините каде би требало да има вработени кои вршат наплата, попладнево немаше никој.
Go toTop