Туркије: Продолжува работата на расчистување на урнатините во Кахраманмараш, епицентарот на земјотресот

КАХРАМАНМАРАШ (АА) – ОКАН ЏОШКУН/ФИРАТ ОЗДЕМИР –

Екипите на терен работат на расчистување на остатоците од урнатите згради по разорните земјотреси на југот на Туркије, јавува Анадолу.

Тешката механизација во Кахраманмараш работи на расчистување на урнатините.

Возачите на камиони и тешка механизација кои доаѓаат од многу градови во Туркије и помагаат во расчистувањето на урнатините, продолжуваат со својата работа 24 часа на ден.

Купишта урнатини се носат на одредени локации надвор од градот.

Возачот на камион, Џанер Каракуш, рече дека тие работат уште од првиот ден.

Како што нагласи, даваат сè од себе да ги залечат раните.

„Овде помагаме во отстранувањето на остатоците. Овде го расчистуваме шутот“, рече Каракуш.

Земјотреси со јачина од 7,7 и 7,6 степени според Рихтеровата скала, со епицентар во Кахраманмараш, на 6 февруари погодија 11 турски области населени со над 13 милиони луѓе, уништувајќи илјадници згради.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).