Од 15 декември до 15 јануари: Се намалуваат цените на над 600 производи

Владата подготви новогодишна кошничка со над 600 прехранбени производи, како поддршка за граѓаните во пресрет на празничниот период.

Денеска на прес конференција премиерот Христијан Мицкоски истакна дека оваа акција започнува на 15 декември и ќе трае се до 15 јануари.

Според него, мерката е усогласена со бизнис секторот и има за цел олеснување на потрошувачката во текот на празниците.

„Направивме нешто што досега можеби никогаш не е направено. Разговаравме извесен период и дојдовме до конкретен предлог дека во периодот од 15 декември па се до 15 јануари цените на повеќе артикли ќе бидат намалени“, вели Мицкоски.

Како што порача, ова не е направено со интервентна мерка на Владата па затоа нема да има казни туку само мониторинг за тоа дали ќе има залепено налепници.