Градоначалникот на општина Бутел, Дарко Костовски, со пригодна активност во основните училишта „Визбегово“ и „Петар Здравковски-Пенко“ го почна одбележувањето на Денот на азбуката на Аалбанскиот јазик. Овој настан помина во празнична атмосфера, во која беа вклучени ученици и наставници од овие две основни училишта.
За време на оваа активност, Костовски ја истакна важноста од зачувување и промовирање на јазичната различност како заедничка вредност на граѓаните на општина Бутел. Тој им го честиташе овој значаен ден на учениците и наставниците и ја изрази својата поддршка за проектите кои го унапредуваат меѓуетничкото разбирање и соживотот.
„ Денес во општинските основни училишта “Визбегово” и “Петар Здравковски – Пенко” го одбележавме денот на албанската азбука. Унифицирањето и стандардизирањето на азбуката е еден од основните елементи со кои се гради културолошката и колективната свест. Почитувајќи ги меѓусебните разлики ги потврдуваме нашите заложби за градење на подобар живот на сите граѓани и изградба на силна, напредна и европска Општина Бутел. На сите припадниците на албанската етничка заедница во Општина Бутел сакам да им го честитам Денот на азбуката и да ги повикам сите граѓани заеднички да работиме на почитување на соживотот кој заедно го негуваме. “, напиша на својата веб-страница во facebook градоначалникот на Бутел, Дарко Костовски.
Учениците од основните училишта „Визбегово“ и „Петар Здравковски – Пенко“ рецитираа песни посветени на азбуката на Албанскиот јазик, а наставниците споделија стории за значењето на овој ден во Албанската култура. Оваа активност ја нагласи посветеноста на општината да гради мостови меѓу заедниците и да ги промовира вредностите на соживот и меѓусебното почитување.
