Еден ден по одлуката на американските власти да дозволат напади со нивни ракети врз руска територија, украинската армија нападна складиште со оружје, сместено 120 километри длабоко на руска територија
1000 денa од почетокот на судирот меѓу двете држави, од генералштабот на укртаинската армија потврдија дека нападот го извршиле благодарение на ракетите кои ги добиле од САД. Додека се засилува конфликтот на истокот на Европа, ги повика сојузниците да продолжат со помошта, предупредувајќи дека рускиот претседател не сака војната да запре.
„Рускиот претседател Владимир Путин донесе 11.000 севернокорејски војници на границите на Украина. Овој контингент може да порасне до 100.000..Сам нема да запре. Колку повеќе време има, условите се влошуваат..Без одредени клучни фактори, на Русија ќе и недостасува вистинска мотивација да се вклучи во значајни преговори.“ – изјави Зеленски.
Прва реакција на владимир путин по одлуката на сад и дел од европските држави дека ќе дозволат употреба на ракети со долг дострел за напади на руска територија. Потпишан декрет со кој нуклеарното оружје останува последната линија на одбраната а во новата уредба се прецизирани и случаите под кои може да се користи ова оружје. Нуклеарен одговор може да има и во случај на напад врз Белорусија.
„Државната политика во областа на нуклеарното ограничување е од одбранбена природа, насочена кон одржување на потенцијалот на нуклеарните сили на ниво доволно за да се обезбеди нуклеарно ограничување и да се гарантира заштитата на суверенитетот и територијалниот интегритет на државата.“ – Основи на геополитиката во областа на нуклеарното задржување.
Од Стејт департментот пак велат дека политиката на САД во однос на користењето американско оружје од страна на Украина за напади во руска територија не е променета и дека Вашингтон дозволува корекција на оваа политика доколку тоа е соодветно.
„Како што знаете, уште пред Русија да ја започне својата сеопфатна инвазија, САД формираа коалиција од над 50 земји за да ѝ помогнат на Украина и да ја повикаат Русија на одговорност за нејзините дејствија. Јасно ставивме до знаење дека ќе ги адаптираме и коригираме потенцијалите што ѝ ги обезбедуваме на Украина кога тоа е соодветно, и видовте дека тоа го потврдуваме со нашите дејствија во изминатите неколку години.“ – изјави Метју Милер портпарол на Стејт департментот.
Првиот човек на НАТО пак смета дека Најдобро е земјите кои обезбедуваат оружје за Украина да не поставуваат ограничувања за тоа како силите на Киев можат да го користат…
„Треба да го зголемиме военото производство, НАТО и ЕУ тесно соработуваат на ова, два проценти од БДП трошоците за одбрана и одвраќање не се доволни. Плановите на Путин не смеат да успеат, Украина мора да надвладее.“ – Марк Руте генерален секретар на НАТО.
Во меѓувреме расте бројот на загинати по нападите врз Украинските градови Одеса и Суми. Најмалку 10 лица загинаа а 40-тина се повредени во нападот врз пристанишниот град на југот на Украина. 11 загинати и преку 80 се повредени во нападот врз Североистокот на Украина. Најтешко е погоден градот Суми, каде покрај загинати цивили има и најмалку 15 уништени објекти, меѓу кои и училишта.
Извор: 24vesti.mk
