ОН ја овластија Швајцарија да организира конференција за заштита на Палестинците

ЖЕНЕВА (АА) – Обединетите нации (ОН) ја овластија Швајцарија да организира конференција за заштита на цивилите на окупираните палестински територии, известува Анадолу.

„Швајцарија е овластена од ОН да организира конференција на која ќе учествуваат високите договорни страни на Женевската конвенција за заштита на цивилите на окупираните палестински територии. За организација на конференцијата е задолжено швајцарското Министерство за надворешни работи“, се наведува во соопштението на швајцарското Министерство.

Конференцијата е планирана да се одржи во Женева во март 2025 година, а за текот на работата на конференцијата е информиран и Федералниот совет на Швајцарија.

Претседателката на Швајцарската Конфедерација Виола Амхерд минатиот месец најави дека следните месеци во Женева ќе се одржи конференција за конфликтите на Блискиот Исток.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.