Денеска се исклучени трите пумпи на хидросистемот „Ѓавато“, кои минатата сабота беа активирани за полнење на Дојранското Езеро, пишува СДК.МК.
Според нив, иако водата не стигнала до каналот за езерото, поплавени се земјоделски површини покрај цевководот, вклучително и нива со пченица.
Од Хидросистемот „Ѓавато“ потврдија дека пумпите биле исклучени поради оштетувања на цевководот и многу диви приклучоци од земјоделци. Тие признаа дека било потребно да се санира цевководот, а не само да се активираат пумпите, бидејќи протекува водата на неколку места.
Министерот за животна средина, Изет Меџити, ја активираше пумпната станица на 9 ноември, објавувајќи дека ќе бидат потребни дополнителни пумпи за да се постигне посакуваниот капацитет за полнење на езерото. Тој посочи дека санирањето на цевководот и справувањето со дивите приклучоци е неопходно за долгорочен успех.
Хидросистемот „Ѓавато“, изграден во 2002 година за да го спасува Дојранското Езеро, беше исклучен минатата година поради високите трошоци за електрична енергија. Системот се користел и за наводнување на земјоделски површини и снабдување со вода на браната Паљурци.
Целиот текст ТУКА
ИЗВОР: ТВ 21
