Ова е патот Тетово – Попова Шапка, кој ги поврзува голем број на планински села на Тетово, но и градот со туристичкото место. Како што може да се види, трњата и грмушките почнале да излегуваат на патот. Екс претседателот на месната заедница на село Шипковица, Зеќирја Ќазими вели дека патот е многу стеснет и автомобилите им се оштетуваат.
„Моментално камионите и некој автобус, ние мора да одиме на страна. Ни се оштетуваат автомобилите. Не знам кој е надлежен, но годинава воопшто не е работено, сега чија е одговорноста Господ знае. Моментално се гледа како малку, но тесно е, гледајте, подолу е полошо, многу излегле на патот, од двете страни и кога излегуваме на тој пат, патот се стеснува. Кога поминуваме ги оштетуваме ретровизорите, влегуваме во трња, дрвја, имаме трошоци, плаќаме за улиците, осигурување за автомобилите и на крај се оштетуваат“, вели Зеќирија Ќазими.
Од ЈП Македонија пат, велат дека моментално ги обележуваат пешачките премини, а наскоро ќе почне и расчистувањето на овој пат.
„Моментално ги обележуваме пешачките премини на патот Тетово – Попова Шапка, а од 12 до 20 ноември ќе почнат активностите за расчистување на страничните делови од грмушките и дрвјата кои излегле на пат“, велат од ЈП Македонија пат.
Патот Тетово – Попова Шапка, е долг 20 километри. Жителите на Шипковица велат дека тие сами го чистат патот во нивното село, а за другиот дел тоа треба да го направи јавното претпријатие кое е надлежно.
ИЗВОР: ТВ 21
