Квинси Џонс, прославениот американски музичар, композитор и продуцент чија кариера траеше речиси седум децении, почина на 91-годишна возраст во Лос Анџелес.
Неговиот издавач Арнолд Робинсон објави дека Џонс починал во неделата вечерта во неговиот дом во населбата Бел Ер во Лос Анџелес, опкружен со неговото семејство.
Квинси Делајт Џонс Роден во Чикаго во 1933 година, тој беше мултиталентиран музичар, чија обемна работа се движеше од продукција на историскиот албум на Мајкл Џексон „Трилер“ од 1982 година до пишување наградувани филмски и телевизиски партитури.
Во својата кариера, без разлика дали е пијанист или трубач, композитор или продуцент, тој соработувал со Френк Синатра, Реј Чарлс, Ела Фицџералд, Џорџ Бенсон, Луис Армстронг, Били Холидеј, Пеги Ли, Мајлс Дејвис, Стиви Вондер и стотици други уметници. Имаше долгогодишно пријателство со Реј Чарлс.
Добитник е на вкупно 28 музички награди Греми, а за оваа престижна награда беше номиниран повеќе од 80 пати. Тој е трет на листата на музичари по бројот на освоени Греми во историјата. Добитник е и на телевизиската награда Еми за музика за серијата Корени, како и на Оскар за животно дело.
Џонс беше еден од најпочитуваните американски продуценти и музичари. Неговото најпознато дело, продуцирање на албумот Thriller на Мајкл Џексон од 1982 година, стана еден од најпродаваните албуми на сите времиња, со рекордна глобална продажба и низа хитови кои ја обликуваа поп културата.
Неговиот придонес не беше ограничен само на музичката индустрија. Работел на музика за познати проекти како што се сериите Roots и филмот In the Heat of the Night. Неговата работа во филмската индустрија му донесе седум номинации за Оскар.
Извор: 24vesti.mk
