Приватните превозници продолжуваат со бојкотот на возниот ред, граѓаните чекаат со часови

Ситуацијата со хаосот во градскиот превоз во Скопје останува алармантна.

Одлуката на приватните превозници да возат само по 17 часот останува на сила по неуспешниот обид барањето да се зголеми цената за изминат километар да се најде на дневен ред.

Додека градски власти во обидуваат да го решат проблемот, граѓаните остануваат да чекаат автобуси.

Ги преживеаа летните горештини, а сега ќе мора да чекаат и на ниски температури чекајќи превоз на автобуските постојки.

Меѓувреме се разви дебатата околу информацијата дека Белград планира да донира автобуси од марката „Соларис“ на Скопје, а тамошните претставници велат дека доколку има таква одлука тоа би значело дека жителите на Белград ќе останат речиси исклучиво со кинески и турски возила.

Ова за Телма го истакна директорот на Центарот за локална самоуправа и поранешен градски советник, Никола Јовановиќ кој оцени дека ваквата одлука не е добра за никого.