АНКАРА (АА) – Сириската мрежа за човекови права (SNHR) соопшти дека доцнењето на помошта на Обединетите нации (ОН) за регионите во северозападна Сирија погодени од земјотресите со епицентар во турската област Кахраманмараш, доведе до зголемување на бројот на загинати, пренесува Анадолу.
Документирајќи ги прекршувањата на правата врз цивилите во Сирија, СНХР во својот извештај ги обвини ОН и нивните институции дека доцнат со доставувањето хуманитарна помош и акциите за пребарување и спасување во северозападните региони на Сирија погодени од земјотресите.
„Задоцнетото пристигнување на помошта на ОН во северозападна Сирија и оставањето на локалните хуманитарни агенции сами да се борат против последиците од катастрофалниот земјотрес, предизвикаа зголемување на број на луѓе кои загинаа под урнатините“, се наведува во извештајот.
Во извештајот, кој беше оценет како „неоснован“ од страна на властите на ОН за доцнењето на испораката на меѓународната помош за жртвите од земјотресот во Сирија, од ОН се бара да покрене внатрешна истрага со цел да се објасни причината за доцнењето на испораката на меѓународната помош за областите во северозападна Сирија погодени од земјотресот.
Во земјотресите со епицентар во Кахраманмараш, кои се опишани како „катастрофа на векот“, во Сирија животот го загубија најмалку 3.688 лица, од кои повеќе од половина во регионите под контрола на опозицијата, а повредени се 14.749 лица.
Извор: www.aa.com.tr
