​Ѓорѓиевски: ЗЕЛС ќе посредува за надминување на недоразбирањата, Костадинов да не ја става политиката пред потребите на граѓаните

October 26, 2024
1 min read

Во вечерашното гостување на Дневникот на МТВ, Претседателот на ЗЕЛС Орце Ѓорѓиевски посочи дека гледа вештачко креирање на проблеми и политика во најавите на градоначалникот на Карпош и на Струмица дека ќе го напуштат ЗЕЛС. Посебно го издвои однесувањето на струмичкиот градоначалник кој одбива комуникација и подадена рака за помош од него и од другите колеги, ставајќи ги во заложништво своите граѓани заради свои политички цели.

Во двете реакции на моите двајца колеги градоначалници, Јакимовски и Костадинов, преовладува политика. Како што неколку пати кажав, претходно не бев известен ниту беше побаран состанок или средба за да дискутираме за одредени проблеми кои преку социјалните мрежи посочија дека ги имаат со одредени министри, со одредени претставници од централната власт. Сакам да сум јасен дека ЗЕЛС не е Владино тело и ние го изолираме моментот на политичко делување внатре во ЗЕЛС.

Јас и досега сум го покажал тоа и во пракса, а денес за тоа посведочи и мојот колега од Центар, колегата Герасимовски, кој доаѓа од спротивна политичка партија од мојата, и кој истакна дека ние секогаш сме се труделе во ЗЕЛС да нема било какви политички влијанија. И доколку се соочиле со било каков проблем со поединечен министер, секако ќе им била подадена рака за посредување, но доколку за тоа не’ информирале.

Воедно, иако досега избегнував да го коментирам, морам да го истакнам несериозниот однос и пристап кон ЗЕЛС, на колегата од Струмица, Костадинов. Практично, не паметам седница на која се појавил, секогаш праќал замена. Во моментите кога се појави кризниот период, не само јас, туку и повеќе мои колеги и соработници од ЗЕЛС, пробавме да го исконтактираме, да продискутираме со него дали има простор да му помогнеме, да се вклучиме во надминување на кризата со водоводот. Обидите за соработка кој тој тврди дека ги имал, се двосмерна улица и морам да ја информирам јавноста дека сум наишол од него на затворена врата.

И тоа не само јас, туку и други соработници, дури и од неговата политичка партија. Тој денес вербално го нападна и својот колега од Центар, што говори јасно дека политиката сака да ја стави пред граѓаните и пред тоа што е градоначалник и она што треба да го прави за своите граѓани. Тоа е нешто што јас, како Претседател на ЗЕЛС не можам да го дозволам. Не можам да дозволам мешање на политиката во внатре во нашата асоцијација.

Ако некој има поединечна нетрпеливост со одреден министер, тоа не значи дека тоа е конфликт на ЗЕЛС, но значи дека претседателот на ЗЕЛС, заедно со целиот управен одбор може да посредува, да биде медијатор помеѓу министрите и градоначалникот и општината и да не дозволиме ескалирање на проблемот, нешто што било вообичаена пракса и досега. Овде кризата е вештачки создадена-изјави Претседателот на ЗЕЛС Орце Ѓорѓиевски.

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Фон дер Лајен: Црна Гора многу напредна на својот европски пат

Следно

Флик: Тимот има самодоверба, играме одлично со топка и без топка

Latest from Blog

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со
Go toTop