Членовите на Комисијата за помилување денеска до претседателката Гордана Сиљановска Давкова поднеле колективна оставка од позициите во комисијата.
Еден од членовите, проф.др. Гордан Калајџиев преку својот Фејсбук профил информираше за одлуката, која ја донеле во согласност со нивните лични и професионални принципи.
Претседателката Сиљановска Давкова ги прифати оставките на проф. д-р Методија Каневчев, проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска и Ајтен Шаќири.
Се очекува во следниот период претседателката да изврши консултации за новиот состав на комисијата, како и за институционалните и законски слабости кои постојат во системот за помилување на осудени лица.
ИЗВОР: ТВ 21
