Мицкоски: До конечната цел, членството во ЕУ ќе дојдеме со синергија на напорите за реформи и зачувувањето на достоинството на граѓаните

October 24, 2024
1 min read

Премиерот Христијан Мицкоски денеска на заедничката прес-конференција со претседателката на Европската комисија, Урсула Фон дер Лајен истакна дека е потребна синергија на напорите кои се вложуваат во насока на подобрување на квалитетот на животот на граѓаните и реформите согласно европските стандарди од една страна и зачувувањето на гордоста и достоинството на граѓаните од друга страна.

Одговарајќи на новинарско прашање дели во ЕУ има расположение за планот за уставни измени со одложено дејство и дали би добиле некаква гаранција доколку тие се спроведат, дека нема да има нови барања од Бугарија, Мицкоски напомена дека само со таа синергија ќе се дојде до конечната цел а тоа е земјава да стане дел од европското семејство. 

-Мислам претседателката беше многу јасна и прецизна на прес-конференцијата. Потребно е да работиме, потребно е да работиме напорно за да дојдеме до целта, а целта е регионот и ние бидеме дел од европското семејство и ЕУ. Ние како Влада ќе продолжиме и понатаму да ги споделуваме европските вредности. Ќе направиме се што е потребно од наша страна да ја доближиме ЕУ до граѓаните, нешто што претставува и задача наша, но и желба, бидејќи повеќе од 75 проценти од граѓаните иднината ја гледат токму како дел од европското семејство. Јас како прв човек на Владата, ќе продолжам да работам исклучиво во интерес на граѓаните и тоа што за нив претставува прв приоритет, а нивен прв приоритет е истовремено да живеат подобро, да владее правото, да се постигнуваат реформи, европските вредности да бидат дел од нашето секојдневние, но истовремено да бидат зачувани гордоста, достоинството, да не бидат понижени и да не бидат поразени. И мислам дека ако направиме една убава синергија, на сето ова за коешто зборував како одговор на вашето прашање, мислам дека ќе дојдеме до конечната цел, а конечната цел е да бидеме дел што е можно поскоро од европското семејство, нагласи Мицкоски.

Извор: 24vesti.mk

MARKETING

MARKETING

Претходно

Ердоган: Терористичкиот напад во Анкара уште повеќе ја зајакна одлучноста на Туркије за уништување на тероризмот

Следно

Прелиминарното судско рочиште за Сали Бериша одложено за 25 ноември

Latest from Blog

Чистка во Манчестер Јунајтед, пет играчи заминуваат

Пет играчи на Манчестер Јунајтед добија информација од клубот да не доаѓаат на почетокот на подготовките во понеделник. На листата се наоѓаат: Алехандро Гарначо, Маркус Рашфорд, Антони, Џејдон Санчо и Тајрел Маласиа.

„One stop“ и на граничниот премин „Табановце“ – Дачиќ скептик за технологијата, Тошковски уверен: Ќе го намали чекањето

Едниот пристигна со хеликоптер од Белград, другиот со полициска придружба од Скопје. Средбата се одржа на најфреквентната точка од Коридорот 10. Додека министерот за внатрешни работи Панче Тошковски и неговиот српски колега

Јовева со остри критики пред гласањето за извештајот за Северна Македонија во Европскиот парламент: „Јас ја бирам страната каде што идентитетот и јазикот се оставени на мир“

Европратеничката Ирена Јовева денеска преку Инстаграм испрати јасна порака по повод претстојното гласање за извештајот на Европската комисија за напредокот на Северна Македонија, закажано за следната недела на пленарната седница во Европскиот

Крушево се соочува со голема миграција

Миграциите се повеќе ги празнат малите места низ државава. Таков е примерот и со славно Крушево градот на македонската револуционерна борба кој од година во година има се помалку жители. Младите масовно

Русија изрази претпазлив оптимизам во однос на крајот на 12-дневната војна меѓу Иран и Израел

МОСКВА (АА) – Рускиот министер за надворешни работи Сергеј Лавров изрази олеснување и претпазлив оптимизам поради завршувањето на 12-дневната војна меѓу Иран и Израел, истовремено нагласувајќи дека загриженоста на Москва мора да
Go toTop