Левица и официјално поднесе кривична до собранискиот спикер Гаши поради тоа што како што велат не сакал да ја одблокира законската процедура за Законот за бранители.
Пратеникот на Левица Сашко Јанчев на пресконференција од прес центарот на законодавниот дом му порача на Гаши дека не постапил согласно новиот деловник и дека со тоа ја кочи понатамошната собраниска процедура на Законот за бранители.
Од пратеничката група на СДСМ пак и денеска велат дека вчера имале координација во пратеничката група и дека во наредните денови ќе излезат во јавноста со информации за следните чекори кои ќе ги превземат за ова законско решение.
Коментирајќи ја кривичната на Левица во изјава за медиумите пратеникот Бојан Стојановски од ВМРО-ДПМНЕ пак вели дека до сега неколку пати Левица поднесувале кривични пријави па потоа ги повлекувале, но и го вперија прстот кон СДСМ за како што посочија не конзистентност во нивните ставови околу ова законско решение бидејќи пратениците на СДСМ не ги ставиле своите потписи кога се собирале за претседателката на комисијата за социјална политика Илире Даути да ја свика седницата.
Од кабинетот на Африм Гаши за сега без став околу кривуичната на Левица против него. Она што е познато е дека пратениците од пратеничките групи на СДСМ и ВМРО-ДПМНЕ кои се членови на комисијата за социјална политика до сега во неколку наврати бараа од претседателката Илире Даути да го стави на дневен ред законот за бранители, но таа одбиваше со образложение дека во конфликтот од 2001 та имало две страни а земјава има само еден буџет и како што рече додека таа е претседател на оваа комисија овој Закон нема да го види светлото на денот.
Извор: 24vesti.mk
