ТРОЈЦА РЕЖИСЕРИ И 28 АКТЕРИ ЌЕ ИГРААТ ВО „ЃОРЕ МАГАРЕСКИ – 80 ГОДИНИ ПОТОА“ ЗА ЈУБИЛЕЈОТ НА БИТОЛСКИОТ ТЕАТАР

October 15, 2024
1 min read

Голема роденденска театарска претстава, монографија, изложби и постојана поставка со 167 освоени награди, плакети и статуетки се подготвуваат за одбележувањето на 80-годишнината на Народниот театар на Битола. Оваа театарска куќа, која се смета за најстара во државата, започнала со работа на 14 ноември 1944 со изведба на едночинката „Ѓоре Магарески“ или во оргинал „Петтоимениот Ѓоре“ од Владо Малески. Роденденската претстава се вика „Ѓоре Магарески – 80 години потоа“, а во неа е вклучена голема театарска екипа.

„Ангажирани се сите тројцата наши вработени режисери, Благој Мицевски, Јовица Ристовски и Софија Ристевска. Вклучен е целиот ансамбл на театрот. Тоа се три различни концепти на тројцата режисери и сите си имаат своја подела за еден ист текст. Вклучени се сите актери кои изразија желба и сакаат да бидат дел од оваа претстава, меѓу кои и Соња Михајлова и Петар Мирчевски. Станува збор за 28 актери на сцената“, рече директорот Васко Мавровски.

За прославата тргнале со нов концепт и нова идеја „Театарот повторно твој’’. Мавровски рече дека театарот не може да биде без Соња Михајлова, Петар Мирчевски, Борис Чоревски и сите други доајени кои создале услови за тие денес да можат да се занимаваат со театар.

„Сите сме важни, но има нешто што е над нас, а тоа се вика Народен театар Битола“, додаде Мавровски.

По претставата ќе следува церемонијален дел со доделување на плакети на сите 36 пензионирани колеги од колективот за нивниот придонес во развојот на театарот. Во роденденските активности се и промоција на нова монографија, изложби на пензионираниот тон мајстор и музичар Христо Бојаџиев и на фотографот Атанас Нашоку Саку, како и нова поставка.

„Поставуваме трајна поставка за првпат после 80 години, сите награди и признанија на театарот ќе бидат вратени и претставени пред публиката. По некој нов регистар што го направивме за оние кои успеавме да ги пронајдеме, тука се 167 плакети, награди, статуетки. Постојано се јавуваат луѓе, даваат идеи, носат документи поврзани со Народниот театар, фотографии, спомени, ни раскажуваат маалски приказни поврзани со театарот. Работиме 24/7 за 14 ноември да биде денот кога достојно ќе ја прославиме 80-годишнината на овој гигант“, вели Мавровски.

Во рамки на роденденскиот репертоар ќе има и три гостувања, на Драмскиот театар од Скопје со „Мојот маж“, Велешкиот театар со комедијата „Вечера за глупаци“ и МНТ со „Бели ноќи“.

Мавровски најави и дека во програмата за 2025 година 70 проценти од текстовите што ќе се работат ќе бидат од македонска дрматургуија и ќе работат со македонски режисери.

Ж. ЗДРАВКОВСКА

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Еднаш засекогаш да се овозможи социјална и економска рамноправност за жените од руралните средини

Следно

Ревизорите не ја препознале суштината на категоријата „Други корисници“ во финансирањето на културата

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop