Над 20 лица загинаа во поплавите во Босна и Херцеговина. Општините Јабланица, Кисељак, Крешево, Коњиќ, Фојница и Долна Јабланица се најпогодените од катастрофата, а според првичните проценки, штетата од поплавите е огромна. Како исчезнати се водат шеснаесет лица, а потрагата по нив продолжи од утрово.
– Како сите брда да тргнаа кон нас. Слушнав викотници. Траеја неколку минити, а потоа тишина. Тогаш реков, таму се е мртво.
– Станав и излегов на прозор. Беше големо невреме со силен дожд. Видов дека ја нема куќата од пријателите, дека нема и неколку други куќи.
Градоначалникот на Јабланица вели дека се прават надчовечки напори за да се пронајдат исчезнатите лица.
„За жал, има голем број жртви по невремето, ги бараме исчезнатите. Испраќам искрени изрази на најдлабоко сочувство и поддршка до семејствата на жртвите. Од раните утрински часови на терен се голем број спасувачи и механизација. Даваме се од себе да им помогнеме на сите, да спасиме луѓе и предмети.“ – Дамир Шабановиќ градоначалник на Јабланица.
Владата на Босна и Херцеговина прогласи состојба на природна катастрофа поради поплавите и свлечиштата што погодија дел од Федерацијата Босна и Херцеговина. Најголем дел од патиштата на подрачјето на Јабланица се непроодни, поширокото подрачје на Коњица е изолирано, а со чамци што ги користат припадниците на вооружените сили на Босна и Херцеговина и Цивилната заштита се евакуираа жителите додека повредените со хеликоптер се префрлаа во болниците.
Извор: 24vesti.mk
