Болниците во северниот дел на Појасот Газа може да бидат надвор од функција во следните 24 часа

ГАЗА (АА) – Болниците во северниот дел на Појасот Газа можат да бидат надвор од функција во рок од 24 часа поради спречувањето на дистрибуција на горивото во регионот од страна на Израел, кој врши геноцид врз Палестинците спроведувајќи масакри веќе една година, известува Анадолу.

Хусам Абу Сафије, директорот на болницата „Кемал Адван“, за дописникот на АА изјави: „Ситуацијата на болниците во Појасот Газа е катастрофална“, и продолжи со зборовите:

„Болницата ‘Кемал Адван’ ќе биде надвор од употреба во рок од 24 часа поради исцрпувањето на горивото и блокирањето од страна на Израел на влез на гориво преку меѓународните организации. Болните и повредените во одделенијата за интензивна нега се соочуваат со опасност од смрт“.

Израелската армија целосно уништи 23 од 38-те болници во регионот во геноцидот што го спроведува во Појасот Газа веќе една година. Останатите 15 болници се обидуваат да обезбедат услуги за болните со многу ограничени ресурси поради големите оштетувања што ги претрпеа од бомбардирањата и гранатирањата, како и поради недостатокот на медицински помагала и материјали.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.