КИЕВ (АА) – Претседателот на Украина, Владимир Зеленски, најави дека на состанокот на Контакт групата за одбрана на Украина во Рамштајн, Германија на 12 октомври, ќе го претстави Планот за победа и јасни и конкретни чекори за праведен крај на војната, известува Анадолу.
Зеленски најави дека се подготвува за состанокот на Контакт групата, која за прв пат се состанува на ниво на лидери на држави.
„Ќе го претставиме Планот за победа и јасни и конкретни чекори за праведен крај на војната. Она што може да ја запре руската агресијата е решителноста на нашите партнери и јакнење на Украина“, рече Зеленски.
Деталите за Планот за победа, што Зеленски ги претстави на средбата со американскиот претседател Џо Бајден на 26 септември, сè уште не се објавени во јавноста, но локалните медиуми наведуваат дека планот вклучува сигурност, геополитичко позиционирање, воена поддршка, економска поддршка, како и укинување на ограничувањата и издавање дозволи за гаѓање на воени цели во Русија со оружје обезбедено од Западот.
Контакт групата за одбрана на Украина, позната и како „Формат Рамштајн“, има за цел да ги координира напорите за поддршка на Украина во борбата против руската агресија.
Извор: Anadolu Agency (AA)
