Повеќе од 20 мртви во поплавите во БиХ, има многу исчезнати

Повеќе од 20 луѓе загинаа во катастрофалните поплави во Босна и Херцеговина, а уште многу луѓе се водат како исчезнати, потврдуваат тамошните служби.

„Точната бројка на исчезнати засега не ја знаеме. Ваква криза не сме имале уште од војната, размерите на оваа хаотична ситуација се застрашувачки“,  велат властите.

Најкритично е во долна јабланица, која е целосно отсечена од светот.

„Ситуацијата со поплавите е многу сериозна, бројни граѓани се заробени. Поради обилните врнежи во текот на ноќта, Јабланица, Коњиц, Кисељак, Крешево и Фојница се борат со поплави, одрони и свлечишта“, изјавија од владата на Босна и Херцеговина.

Бројот на жртви од час во час расте, а апокалиптичните пејсажи сведочат за поплавите какви не памети Босна и Хереговина.