Крајно десничарската Слободарска партија на Австрија излезе како најголема победник на парламентарните избори во Австрија. Слободарската партија освои 28,8 отсто од гласовите, што претставува значително зголемување, речиси двојно во споредба со претходните избори. Тие сега ќе имаат 56 мандати, 26 повеќе отколку во 2019 година.
Владеачката Народна партија на Австрија е на второ место со 26,3 отсто, што претставува пад од 11 отсто во споредба со претходниот изборен циклус. Веднаш по победата Херберт Кикл од Слободарската партија ги посочи нивните приоритети.
– Изборниот резултат е доказ дека Австријците сакаат поцврста политика за националниот суверенитет и построги миграциски мерки. Ќе работиме за зајакнување на улогата на Австрија надвор од Европската Унија. – Херберт Кикл, Слободарска партија на Австрија.
Канцеларот во заминување Нехамер призна дека изборните резултати покажуваат значаен пад во поддршката за Народната партија. Во своето обраќање, Нехамер изрази загриженост поради слабеењето на поддршката, но истовремено нагласи дека е подготвен да ги анализира пораките на гласачите и да размисли за промени во стратегијата на партијата.
Со оглед на тесната победа, сепак прилично е неизвесна можноста Слободарската партија да формира влада бидејќи останатите партии не сакаат да коалицираат со нив. Тоа значи дека победата на слободарците нема да им донесе премиер но ќе преставува сериозен раст на нивната партија.
Извор: 24vesti.mk
