Најмалку 193 лица загинаа во свлечишта и поплави во Непал

КАТМАНДУ (АА) – Најмалку 193 лица загинаа во поплавите и свлечиштата предизвикани од поројните дождови кои со денови траат во јужноазиската земја Непал, известува Анадолу.

Непалската полиција објави дека досега животот го загубиле најмалку 193 лица во свлечиштата и поплавите што се случија низ целата земја. Полицијата информираше дека 31 лице се водат за исчезнати, а 96 лица се повредени.

Најголем дел од смртните случаи се регистрирани во главниот град Катманду, каде има интензивни врнежи од дожд, а значителен дел од јужниот дел на градот е поплавен.

Спасувачките тимови вложуваат напори за пронаоѓање и спасување на исчезнати лица во Катманду и неговата околина. Засега некои од главните патишта се затворени, а голем број возила се блокирани поради свлечиштата.

Монсунските дождови кои се ефективни во оваа земја секоја година во периодот од јуни до септември предизвикуваат голем број смртни случаи и материјална штета.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.