Заедничка меѓувладина седница на Македонија и Унгарија се одржува денеска во Охрид откако претходно премиерите на двете држави Христијан Мицкоски и Виктор Орбан одржаа тет-а-тет средба.
-Имав плодна и пријателска средба со унгарскиот колега.. Историјата сведочи за нашиот заеднички стремеж кон мир, просперитет и соработка, напиша Мицкоски на „Фејсбук“.
Унгарскиот премиер, кој ја предводи владината делегација, од вчера е во посета на земјава. Унгарија во моментов претседава со ЕУ, а Орбан во втората половина од годинава е и претседател на Советот на Европската Унија.
Извор: 24vesti.mk
