ИСТАНБУЛ (АА) – Претседателот на турскиот Парламент, Нуман Куртулмуш, денес го посети семејството на убиената турско-американската активистка Ајшенур Езги Ејги за да изрази сочувство за нивната загуба, јавува Анадолу.
„Крвта на Ајшенур Ејги е подеднакво света како крвта на секој убиен Палестинец. Ние ќе го следиме нејзиниот случај до крај“, им кажа Куртулмуш на нејзиното ужалено семејство, роднини и пријатели.
Семејството на Ејги, кое живее во крајбрежниот град Дидим, Туркије, ја оплакува својата ќерка, која беше смртно застрелана од израелските сили на 6 септември додека протестираше против илегалните еврејски населби на Западниот Брег.
Пред нејзината смрт, Ејги отпатувала на Западниот Брег за да го поддржи палестинскиот отпор против израелската окупација, според извештаите на Меѓународното движење за солидарност.
На 3 септември, Ејги отишла да набљудува протест во градот Бејта во Наблус, и да застане против илегалните еврејски населби таму.
Движењето објави дека на 6 септември Ејги била намерно земена за цел и убиена од израелски снајперист позициониран на блискиот покрив.
Очевидци изјавија дека кога била застрелана од снајперистот, Ејги била далеку од зоната на протестите. Таа беше пренесена во палестинска болница, но и покрај максималните напори на лекарите не можеше да се спаси.
Ејги, родена во турскиот медитерански град Анталија во 1998 година, студираше психологија и јазици и култури од Блискиот Исток на Универзитетот Вашингтон во Сиетл, во северозападниот дел на САД.
Таа дипломираше овој јуни и беше добро позната по нејзината посветеност на активизмот.
Извор: Anadolu Agency (AA)
