„Фајнанс тинк“ : Пад на извозот и зголемена инфлација во вториот квартал од 2024 година

September 11, 2024
1 min read

„Фајнанс тинк“ го публикуваше Макроекономскиот монитор за квартал 2, 2024 година.

Во вториот квартал од 2024, БДП се зголеми за 2.3% на годишна основа, забрзувајќи во однос на претходните квартали. Тоа е во линија со очекувањата изразени во претходниот Макроекономски монитор. Сепак, забрзувањето е резултат на забавениот пад на извозот (-2.9%), и повторното интензивирање на падот на увозот (-4.5%), како и на растот на јавната потрошувачка (3.5%). Последното, пак, се поврзува со значајното продлабочување на буџетскиот дефицит од 5.8% за првото полугодие од годината, наспроти првичната годишна проекција од 3.6%. Во вториот квартал, бруто инвестициите забележуваат благ пад (-1.7%), додека приватната потрошувачка расте со благо забавена динамика (1.3%). На производната страна, како и претходно, растот на БДП произлегува главно од растот на услугите (3.6%), иако во овој квартал позитивни движења бележат градежништвото (5.1%) и преработувачката индустрија (0.7%), по падовите во претходните квартали.

Невработеноста во вториот квартал од 2024 понатамошно се намали на 12.5%. За првпат по повеќе квартали, пазарот на труд манифестира помала воздржаност од претходно, имајќи предвид дека се креирани близу 4,500 нови работни места, а активноста на населението се задржа како претходно (52.1%). Сепак, забележливо е дека најголем дел од работните места се создадени во земјоделството и индустријата, додека главните услужни дејности, како трговијата, забележаа намалување на бројот на работни места, и покрај растот на создадената вредност.

Во вториот квартал од 2024, инфлацијата благо забрза на 3.9% (од претходните 3.4%) на годишна основа.Иако овие движења кај цените се во линија со очекувањата за целата 2024 година, преостанатите пренесени ефекти врз цените, потенцијалните варијации кај одредни групи производи, притисокот што доаѓа од стабилниот пазар на труд и растот на платите (13.3%), како и од потезите на фискалната политика, укажуваат на потребата од понатамошна претпазливост.

Благата позитивна динамика на економијата се очекува да продолжи во 2024 година. Изгледите во поглед на инфлацијата остануваат релативно поволни, но зависат од се’ уште присутни критични фактори. Finance Think ги задржува претходните проекции за раст на БДП во 2024 од 2.7% и за раст на цените од 3.8%.

Публикацијата е во прилог, и објавена на следниот линк

ИЗВОР: racin.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ВРЕДИ: Законот за правична застапеност ќе ги елиминира партиските злоупотреби во администрацијата!

Следно

Кинотека започнува со нов циклус филмски училници

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop