Бугарија преку своето министерство за надворешни работи реагира дека премиерот Христијан Мицкоски ја оддалечува Макеоднија од ЕУ со неговата последна изјава дека Францускиот предлог може да се модифицира. Од официјална Софија се децидни дека нивните позиции нема да се променат без разлика дали ќе води привремена или редовна влада.
„На властодршците во Скопје треба да им биде јасно дека обидите за повторно преговарање на меѓународните обврски кои веќе се преземени може да доведат само до дополнително оддалечување од почетокот на преговорите за членство во ЕУ. Потсетуваме дека како резултат на непотребни провокации и конфронтации со соседните земји, Северна Македонија веќе изгуби премногу време во процесот на отворање на пристапните преговори“, велат од МНР на Бугарија.
Оваа реакција следува откако Мицкоски рече дека како Влада остануваат посветени на ова прашање и оти ќе продолжат и понатаму да работат за полноправно членство во Европската Унија, откако ќе се избере политичка влада во Бугарија. Дополнително реакцијата на Бугарија ја поттикна и изјавата на премиерот Христијан Мицкоски дека Францускиот предлог“ може да добие уште еден додаток – „Француски предлог плус“. Убеден сум дека нашиот источен сосед ако го гледа и својот интерес ќе му стане јасно дека процесот на преговори мора да почне за нас ако сакаме да имаме една целина како Балкан која ќе биде дел од Европската Унија. Убеден сум дека таму има политичари кои тоа сакаат да го видат, потенцираше Мицкоски.
Во меѓувреме македонскиот премиер најави и кадровски промени во мешовитата историска комисија која последен пат се сретна на крајот на претходната година а нејзниот мандат завршува во септември .
Извор: 24vesti.mk
