Со концерт на кој солист ќе биде оперската певица Ана Дурловски, на 10 октомври започнува новата концертна сезона во Филхармонијата, која година слави 80 години постоење.
Дурловски, во придружба на Оркестарот на Филхармонијата ќе пее познати арии од Корнголд, Чајковски и една премиерна изведба на увертира од македонски композитор. Диригент е Јерухам Шаровски од Израел, а концертот е насловен „Го славиме јубилејот“.
На 17 октомври од 20 часот ќе се одржи концертот „Озвучени емоции“ на кој како солист ќе настапи францускиот пијанист Лука Дебарг од Франција со дела од Шопен и Стравински.
Славеничкиот концерт „80 години љубов“ ќе се одржи на 28 октомври со македонскиот пијанист со светска кариера Симон Трпчески како солист.
Трпчески ќе свири премиерна изведба на увертира од македонски композитор, Концерт за пијано и оркестар во а-мол, Оп. 16 од Григ и Симфонија бр. 1 „Титан“ во Де – дур од Малер.
М. ЏАРОВСКА
ИЗВОР: sdk.mk
