ИСТАНБУЛ (АА) – Претседателот на Туркије, Реџеп Таип Ердоган, вчера ја истакна потребата од одржување на „силна и ефикасна морнарица“ со цел да се заштитат мирот и безбедноста на земјата, како во нејзините територијални води, така и во далечните региони, известува Анадолу.
„Свесни сме дека за да живееме мирно во нашата земја, мораме да имаме силна и ефикасна морнарица, како во нашата Сина татковина, така и во далечните региони“, рече Ердоган, мислејќи на територијалните води на Туркије.
Напоменувајќи дека Анкара направила револуционерна работа во одбранбената индустрија во последните 22 години, период кога Партијата за правда и развој (АК партија) е на власт, Ердоган рече дека Туркије планира да стави во функција две подморници во следните две години, „Хизирреис“ во 2025 година и „Муратреис“ во 2026 година.
„Ќе ја зајакнеме нашата морнарица со пуштање во употреба на сите подморници во рамките на проектот до 2029 година“, нагласи Ердоган, говорејќи во турскиот приморски град Мугла.
Тој изрази надеж дека ќе го оствари 138-годишниот сон за изградба на турска подморница како дел од проектот Милден.
Покрај подобрувањето на воената технологија, Ердоган ги посочи напорите на владата за обновување и зачувување на историските добра.
„Целосно го реставриравме МВ Саварона, кој со години беше запоставен, а во еден момент дури се користеше и како казино“, рече Ердоган, мислејќи на бродот кој првпат заплови во 1931 година.
Ердоган, исто така, ги откри плановите за распоредување на домашни авиони на турските национални носачи на авиони.
„Нашите национални и домашни авиони како се Хурџет, Кизилелма, ТБ3 и АНКА3 ќе ги заштитат нашите права и интереси“, рече Ердоган.
Претседателот на Туркије ја најави и изградбата на разурнувач за противвоздушна одбрана „ТФ-2000“ во бродоградилиштето во Истанбул, дизајниран да ги подобри способностите на противвоздушна одбрана.
„Со разурнувачот за воздушна одбрана „ТФ-2000“, што ќе биде изграден во бродоградилиштето во Истанбул, ќе обезбедиме повеќестепена воздушна одбрана за нашата земја од морето“, објасни Ердоган и додаде:
„Ќе обезбедиме заштитата против закани од воздух на нашите клучни пловила, како ТЏГ Анадолу (амфибиски јуришен брод) и на националниот носач на авиони.
Извор: Anadolu Agency (AA)
