Од стотиците пожари со кои се соочи земјава, последиците ќе ги трпиме со децении, само во последното деноноќие центарот за управување со кризи евидентирал 53 пожари на отворено, од нив 35 се изгаснати, 12 активни и шест ставени под контрола. Пламените јазици се немилосрдни пеплосуваат огромни површини на квалитетни шуми, сува трева , стрниша, нискостеблеста, деградирана шума и депонии. Огнот не прави избор голта се што ќе најде пред себе. Пожарникарите безмалку се два месеци без одмор од од осми јули до денес нерма ден да нема борба со огнената стихија. Само во месец август имаат изгаснато 370 пожари на отворен простор во целата држава а каков е билансот за денес?
Во текот на вчерашниот ден биле ангажирани 120 пожарникари на линија од 10 километри, како и пет возухоплови – три ертарактори и два полициски хеликоптера, за пожарот на Галичица да се стави под контрола но состојбата и понатаму будно се следи, информира раководителот за противпожарна заштита во националниот парк Галичица Ѓуро Јовчевски.
Полицијата пак веќе неколку дена користи дронови од каде што велат дека овој мониторинг треба доста да помогне околу пожарите, особено во делот на откривање на потпалувачите зашто генералната оценка е дека за најголемиот број од пожарите причина е човечки фактор и намерно палење..
Од опозицијата бараат оставка од министерот за внатрешни работи, како што велат од таму за еден месец пожарите уништиле 5% од вкупната територија на Македонија, опустошени биле 1 200 километри шума а горат и национални шуми.
СДСМ
– Тошкоски треба веднаш да си поднесе оставка. СДСМ неколку пати апелираше дека Тошковски е неспособен да управува со Кризниот штаб и мора да биде сменет. Во изминат период СДСМ конструктивно и одговорно се однесуваше, не сакаше да ја подгрева тензијата и да ја напаѓа Владата, оставајќи ги институциите да работат.
Синоќа директорот на ЦУК Ангелов и германската амбасадорка Петра Дрекслер заедно ги испратија пилотите и воздухопловниот персонал кои дојдоа од Германија и помагаа во гаснењето на пожарите на отворен простор, на средбата Дрекслер изразила подготвеност за подршка согласно можностите и потребите при справување со кризни ситуации и во иднина.
Извор: 24vesti.mk
