ИСТАНБУЛ (АА) – Најмалку две лица загинаа во руски ракетен напад во текот на ноќта врз главниот град на Украина, Киев, пренесува Анадолу.
Украинската државна служба за вонредни состојби соопшти дека маж и дете загинале откако делови од соборен проектил паднале врз приватни станбени објекти во Бровари, во Киев.
Во соопштението понатаму се наведува дека во инцидентот тешко се повредени и три лица, меѓу кои и едно 13-годишно момче.
Гувернерот на Киев, Руслан Кравченко, во изјава на Телеграм рече дека се огласиле сирените за воздушен напад, во кој учествувале и дронови, траел речиси осум часа, нагласувајќи дека нема директни удари врз станбената и критичната инфраструктура во регионот.
Кравченко понатаму истакна дека два дома биле уништени во два различни окрузи во регионот на Киев поради паѓање на остатоци, додавајќи дека уште шест биле оштетени во истите два окрузи.
Серхиј Попко, челник на градската воена управа на Киев, преку Телеграм истакна дека нападите во текот на ноќта се втор ваков напад врз главниот град на Украина од почетокот на месецот.
Попко понатаму рече дека неколку десетици дронови веќе биле лансирани над Украина, а некои се обиделе да изведат напади на Киев откако извршиле „комплексни маневри“.
„Сите непријателски јуришни дронови беа соборени во воздушниот простор на главниот град на Украина од силите и средствата за противвоздушна одбрана“, рече тој.
Украинските власти сѐ уште не го коментирале бројот на проектили и дронови лансирани над земјата. Руските власти допрва треба да го коментираат нападот.
Извор: Anadolu Agency (AA)
