Земјотрес со магнитуда од 6,8 степени ја потресе Јапонија

АНКАРА (АА) – Силен земјотрес со магнитуда од 6,8 степени денес ги погоди северните и североисточните делови на Јапонија, соопштија локалните медиуми, пренесува Анадолу.

Метеоролошката агенција не издаде предупредување за цунами, објави токиската новинска агенција Кјодо.

Според Јапонската метеоролошка агенција, епицентарот на земјотресот бил на околу 490 километри под површината на земјата.

Засега не е пријавена штета од погодениот регион на најсеверниот главен јапонски остров Хокаидо.

Јапонија е веќе во состојба на тревога за мегаземјотрес откако во четвртокот земјотрес со магнитуда од 7,1 степени го погоди југозападниот дел на Јапонија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.