Продолжуваат нападите меѓу Израел и Хезболах. Петмина припадници на либанската организација загинаа утрово во ракетен напад кој го изврши израелската армија. Хезболах возврати и го нападна северниот дел на Израел со беспилотни летала. Борбите доаѓаат во период кога растат стравувањата од регионален судир меѓу Иран и неговите сојузници, Хамас, Хезболах и Хутите од Јемен од една страна и Израел, поддржан од САД, на спротивната страна.
Од почетокот на конфликтот во Газа во октомври минатата година, Хезболах речиси секојдневно ги напаѓа израелските позиции со беспилотни летала и ракети, поради, како што велат, солидарност со Палестинците.
А Иранските власти пак продолжуваат ос истрагата која треба да покаже кој стои зад убиството на политичкито лидер на Хамас, Исмаил Ханија, и дали во нападот учествувале жители на Иран. Водачот на палестинската група беше убиен минатата среда за време на посетата на церемонијата на положување заклетва на иранскиот претседател Масуд Пезешкијан.
„Почнаа неопходните истраги, а резултатите ќе бидат објавени штом ќе заврши истрагата. До денеска, нема уапсени во врска со тој случај. Во истрагата се вклучени ирански воени претставници.“ – изјави Асгар Јахангир портпарол на судот во Иран.
Според истрагата на Иранската револуционерна гарда, Ханија бил убиен со помош на „проектил со краток дострел“ лансиран надвор од неговото сместување во Техеран. Иран и Хамас го обвинија Израел за убиството и ветија дека ќе се одмаздат. Израел досега ниту потврди нуту негиираше дека е одговорна за атентатот.
Дел од медиумите во САД пак објавија дека ирансклата полиција веќе уапсила дваесетина лица, меѓу кои дел вработени во разузнавачките агенции, поради сомневање дека соработувале со избршителите на убиството.
Извор: 24vesti.mk
