АНКАРА (АА) – Шефот на Дирекцијата за комуникации при Претседателството на Република Туркије, Фахретин Алтун, соопшти дека палестинскиот претседател Махмуд Абас ќе ја посети Туркије на 14 и 15 август и ќе се обрати во турскиот Парламент, односно во Големото народно собрание на Република Туркије, јавува Анадолу.
„Почитуваниот палестински претседател Абас ќе се сретне со турскиот претседател Реџеп Таип Ердоган во среда, 14 август, а во четврток, 15 август, ќе се обрати на седницата на нашиот Парламент“, соопшти Алтун на социјалните мрежи.
Хамас рано утринава соопшти дека нејзиниот политички лидер Ханије е убиен во израелски воздушен напад врз резиденцијата во која престојувал во Техеран.
Ханије беше во Техеран за да присуствува на церемонијата за инаугурација на новиот претседател на Иран, Масуд Пезешкијан.
Иран и Хамас рекоа дека атентатот го извршил Израел, а израелските претставници се воздржуваат од давање изјави за случајот.
Ханије беше на чело на Политичкото биро на Хамас од 6 мај 2017 година, заменувајќи го Халид Мешал.
Извор: Anadolu Agency (AA)
