ГАЗА (АА) – Најмалку 10 Палестинци се убиени, а 20 се ранети во израелски напад на џамија во бегалскиот камп Шати, кој се наоѓа западно од градот Газа, известува Анадолу.
Махмуд Басал, портпарол на Цивилната заштита во Газа, за Анадолу изјави дека Израел извршил нов масакр во бегалскиот камп Шати, а цел на нападот била џамијата Ал-Ебјад.
Басал информираше дека во нападот се убиени најмалку 10 лица, а 20 се повредени. Тој додаде дека во опасност се животите на повеќемина повредени.
Денеска израелските сили извршија воздушни напади и во регионот Ал-Маваси, во кои се убиени најмалку 71 Палестинец. Десетици се ранети во подрачјето западно од градот Хан Јунис, регион за кој Израел тврдеше дека е безбеден за раселените Палестинци.
Извор: Anadolu Agency (AA)
