ЛОНДОН (АА) – Британското медицинско списание „Лансет“ објави шокантно предупредување дека реалната бројка на убиени во израелските напади врз Појасот Газа може да надмине 186.000, што е осум отсто од вкупното население на блокираната палестинска енклава, јавува Анадолу.
Според официјалните податоци на палестинската управа во Газа, од почетокот на израелските напади на 7 октомври досега се убиени близу 38.200 Палестинци.
Сепак, неодамнешниот извештај на „Лансет“ насловен „Број на мртви во Газа: Тешко, но важно“, сугерира дека официјалната бројка е значително под реалноста.
Вистинската бројка веројатно вклучува илјадници сè уште заробени под урнатините и оние што подлегнале на секундарните последици на судирите, како што се неисхранетост, болести и недостиг на медицинска нега.
Најголем придонес во огромните загуби на животи се 14.000 бомби што САД му ги доставија на Израел. Овие бомби, исто така, ја уништија инфраструктурата на Појасот Газа, влошувајќи ги условите што доведе до дополнителни смртни случаи.
Уништувањето на здравствените установи, мрежите за дистрибуција на храна и санитарните системи го ставаат населението во опасна состојба.
„Лансет“ ги истакнува тешкотиите во собирањето точни податоци поради распространетото уништување.
„Бројот на пријавени смртни случаи е веројатно потценет. Невладината организација ‘Ерварс’ прави детални процени на инцидентите во Појасот Газа и често открива дека не се вклучени сите имиња на идентификуваните жртви во списокот на Министерството. Понатаму, Обединетите нации проценуваат дека до 29 февруари 2024 година биле уништени 35 згради во Појасот Газа, така што бројот на тела што сè уште се закопани во урнатините веројатно ќе биде значителен, со процени на повеќе од 10.000“, се вели во извештајот.
Во извештајот се наведува и дека вкупниот број жртви се очекува да биде голем со оглед на интензитетот на овој конфликт, уништената здравствена инфраструктура, големиот недостиг од храна, вода и засолниште, неможноста населението да бега на безбедни места и намалувањето на финансирање на УНРВА, една од ретките хуманитарни организации што сè уште се активни во Појасот Газа.
Извор: Anadolu Agency (AA)
