„Несреќите најчесто се случуваат кога луѓето не се на работа и добар ден од нашите активности или се во попладнените часови или за викендите, кога луѓето одмараат. Пожарникарите денеска имаат клучна улога. Целиот систем не е уреден како што треба и пожарниакрите помагаат во секакви случаи. Целиот систем треба да биде поинаку уреден и да се знае точно кој што треба да работи. Потребна е физичка подготвеност, опрема и обука, понекогаш ги немаат ове три работи, но со импровизација доаѓаат до резултати“, вели за „Студио 10“ Стојанче Ангелов.
На прашањето дали останува да раководи со ЦУК, вели дека зависи од долуката на новата Влада.
„Дали останувам во ЦУК, одговор има само македонската Влада. Се уште не е дојдено до кадровски решенија во поголем дел од институциите. Сме зборувале на оваа тема, но последната одлука е на премиерот. Знате дека на последните парламентарни избори ние бевме во коалиција. Задоволен сум од она што го договоривме со Мицкоски, а тоа енадминување на проблемите со бранителите. Тоа беше основното барање. И тука беше нашиот Фокус. Доколку премиерот побара да останам, јас ќе останам.“ – вели Ангелов.
Тој додава дека е потребна трансформација на системот.
„Нас ни е потребна трансформација на системот со управување криза. Бидејќи ваков како што е функцнионален, но не е довлно. За жал многу често импоривизираме. Но, кога немате услови, кои, тогаш сте принудени да импровизирате.“ – вели Ангелов.
Извор: 24vesti.mk
