Довербата на граѓаните во судско-обвинителските институции е на рекордно ниско ниво, вака како досега очигледно не бива, порача премиерот Христијан Мицкоски, коментирајќи ги реакциите на најавеното распуштање на Судскиот совет и Советот на јавните обвинители и изрази подготвеност да разговара со експерти, но и со амбасадорите доколку понудат подобро решение.
Според претседалката Гордана Сиљановска Давкова овие две тела во моментов како да не постојат и потребни се сериозни законски измени.
Претседателот на Уставниот суд Дарко Костадиновски пак смета дека Владата и Собранието имаат легитимно право и уставно овластување ако увидат слабости да пристапат кон измени и дополнување на одредени законски решенија, но дека тоа, мора да бидат во согласност со Уставот.
Извор: 24vesti.mk
