Убиени 12 цивили, 20 повредени во гранатирање на пазар во Судан

КАРТУМ (АА) – Најмалку 12 лица загинаа, а 20 се повредени вчера при артилериско гранатирање на сточен пазар во Ел Фашер, главниот град на државата Северен Дарфур во западен Судан, известува Анадолу.

„Во артилериското гранатирање на сточниот пазар во градот Ел Фашер загинаа 12 цивили, а 20 се повредени“, се вели во соопштението на Координацијата на Комитетот за отпор.

Претходно, Координацијата на Комитетот за отпор објави дека Ел Фашер бил изложен на силен напад со тешка артилерија од страна на паравоените Сили за брза поддршка (RSF).

РСФ не ги коментираа овие тврдења.

Конфликтот во Судан избувна во април 2023 година меѓу армискиот генерал Абдел Фатах ал-Бурхан и командантот на РСФ, Мохамед Хамдан Дагал, поради несогласување околу интеграцијата на паравоената група во државната Армија.

Според Обединетите нации (ОН), во конфликтот досега животот го загубиле речиси 16.000 луѓе, а милиони се раселени, при што е предизвикана голема хуманитарна криза во земјата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.