Се крои првиот ребаланс на буџетот, кои се плановите на новата министерка за финансии Гордана Димитриеска-Кочовска?
– Се екипира кабинетот полека, а особено ми е мило што доаѓаат и луѓе од приватниот сектор. Тоа е многу тешко, тешко е да се привлечат луѓе од приватниот сектор во државната администрација, вели министерката Димитриеска-Кочовска.
Министерката вели дека се уште не е направен ребалансот прецизно, туку утре ќе биде пуштен буџетскиот циркулар за кој ќе има само два дена да се изјаснат сите за потребите. Според неа, приоритет ќе биде се она што е законска обврска како што платите според потпишаниот договор за што не беа обезбедени средства, а ќе има корекции и на пензиите.
– Ќе има и кратења. Мене ме чуди зошто воопшто уште има ставка за Ковид. А некои ставки ќе се преиспитаат, вели министерката Димитриеска-Кочовска. – Ние имаме ситуација со години да се зголемува буџетот, а ние не сме добиле ништо од тоа. На пример од Секретаријатот за европски прашања на преговори во Брисел оделе 30 луѓе. Зошто? Можело да одат двајца. Оттука има простор за кратење на непотребни трошоци и пренасочување на тие средства за проекти кои се функционални. Имало лошо управување со средствата и многу „затворени“ средства кои стоеле и не се користеле за реализација на каптални расходи, вели министерката.
Ангел Димитров смета дека за оваа година ќе мора да се намалат некои капитални инвестиции за да можат да се покријат другите потреби.
– Јас се согласувам дека може да има поголем јавен долг, но треба да се внимава да не одат премногу пари за камати наместо да се инвестираат во образованието и здравството, вели Димитров.
Новинарот Мирче Јовановски вели дека нашиот буџет секогаш е социјално настроен и многу средства се користат за „гаснење на пожари“.
Министерството за финансии има намера да ја регулира сивата економија со што смета дека ќе се дополни буџетот, но Димитров смета дека не смее да се удира на најмалите оти најголемиот дел од сивата економија потпаѓа кон мали занаети кои не добиваат поддршка за да опстојат за разлика од поголемите компании. Оттука, според Димитров потребен е и морков и стап во однос на решавањето на таа сива економија.
Извор: 24vesti.mk
