„Јас останав доследен во ветувањето дека оваа кампања не треба и не смее да биде насочена кон никој од противкандидатите. Тоа само го слабее СДСМ и им дава материјал за напад на политичките противници кои гледаме дека тоа веќе го искористат. Ветив дека ќе се задржам на презентација на мојот концепт и обединувањето како предуслов за секој иден успех на партијта. Жалам што ова не го препознаваат дел од другите кандидати туку преку јавни настапи и скриени пораки се обидуваат да ме дискредитираат“, вели за ТВ 24 кандидатот за претседател на СДСМ Венко Филипче, по видеото од обраќањето на неговиот протикандидат Јован Деспотовски, од Гостивар во кое тој индиректно ги обвини Филипче, но и екс лидерот на СДСМ Зоран Заев дека со сила го туркаат изборот на Филипече за лидер на партијата, но и дека тој не се бори со Филипче , туку со Заев.
„Би им порачал само дека има над 23.000 членови кои ќе бираат во недела. Тие ќе одлучат кој ќе биде претседател и никој друг. Кампањата и условите во кои се води досега сметам дека се фер и демократски и затоа на 30 јуни СДСМ треба да добие нов легитимен претседател“ , вели Филипче за ТВ 24.
Извор: 24vesti.mk
