БОГОТА (АА) – Колумбискиот претседател Густаво Петро го повика израелскиот народ да го крене гласот против нападот на израелската Aрмија во Газа, јавува Анадолу.
Со споделување на снимка од израелски напад врз зграда во која се сместени палестински цивили во Газа на социјална мрежа, Петро испрати порака до израелскиот народ.
„Денес, народот на Израел мора да биде на чело во одбраната на светскиот мир и правото на живот. Ве молиме направете сѐ што треба да направите за да го спречите геноцидот врз децата“, рече Петро.
Колумбија на 3 мај објави дека официјално ги прекинала дипломатските односи со Израел, наведувајќи ги како причина нападите врз палестинскиот народ во Газа.
Извор: Anadolu Agency (AA)
