Откако министерот за надворешни работи во заминување, Бујар Османи потпишал решение поранешната ТВ-презентерка Бесмира Ејупи да стане дипломат во Конзулатот во Бон, Германија, дел од медиумите повикувајќи се на дипломатски извори пренесуваат и дека Османи издал и наредба денеска на Ејупи да ѝ биде изготвен дипломатски пасош, нешто за што вообичаено се потребни најмалку 15 дена.
Од МНР потврдуваат дека Ејупи ќе биде испратена таму „на испомош“, поради зголемен обем на работа. Случајот со Бесмира Ејупи првпат јавноста ја брануваше пред две години кога се дозна дека таа како вработена во МНР без дипломатско искуство е назначена за конзул во Њујорк.
Извор: 24vesti.mk
