„Istanbul Photo Awards“ со изложба во Истанбул ја одбележува 10-годишнината

ИСТАНБУЛ (АА) – В понеделник во Истанбул ќе се отвори изложбата по повод 10-годишнината на престижните „Istanbul Photo Awards“, во организација на Анадолу.

На настанот ќе бидат претставени наградените фотографии од оваа година.

Дополнително, ќе има простор за дигитално претставување на наградуваните фотографии од изминатите 10 години.

Изложбата ќе се одржи во библиотеката Рами и ќе трае до 23 јуни, давајќи им можност на посетителите да се потсетат на значајните настани од светот од изминатата година.

Од трагедијата на геноцидот во Газа до разорниот земјотрес во Туркије минатата година, од операциите на мексиканските криминални банди до маките на авганистанските бегалци, фотографиите нудат потресен приказ на човечките искуства на различни континенти.

На церемонијата за отворањето на изложбата и на доделувањето на наградите, под покровителство на претседателот на Управниот одбор и генерален директор на Анадолу, Сердар Караѓоз, ќе присуствуваат и истакнати лица од меѓународните медиуми и од областа на фотографијата.

Оваа година „Istanbul Photo Awards“ се спонзорирани од турскиот мобилен оператор „Турксел“, „Сони“ е спонзор на наградите, Агенцијата за соработка и координација на Туркије спонзор на меѓународните настани и „Туркиш ерлајнс“ авиокомпанија спонзор.

Дополнителни информации за наградените фотографии се прикажани на istanbulphotoawards.com.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.