АНКАРА (АА) – Турскиот претседател Реџеп Таип Ердоган синоќа изјави дека човечка должност е да се реагира на ситуацијата во Појасот Газа, каде што Израел од октомври минатата година уби повеќе од 36.000 луѓе, јавува Анадолу.
„Наша човечка должност кон палестинскиот народ е да реагираме на оваа состојба на лудило каде е искушана нашата човечност заедно со нашата вера“, рече Ердоган говорејќи на осмата свеченост на Доделувањето на медиумските награди Анадолу што се одржа во Анкара, и додаде:
„Оние кои денес ги затвораат очите пред геноцидот нема да можат до крајот на животот да ја избришат црната дамка од своите лица.“
Тој рече дека оние кои со години држат лекции за слободата на медиумите не говорат за тоа што се случува на окупираните палестински подрачја.
„Нашата агенција Анадолу и ТРТ, со своите храбри вработени на теренот, му ги пренесоа на светот сите детали за масакрите извршени во Газа“, рече Ердоган и заклучи:
„Додека ги браниме нашите палестински браќа, ние всушност го браниме човештвото, ги браниме мирот, правдата и слободата.“
Извор: Anadolu Agency (AA)
