Џордан Питерсон одбива да биде превоспитуван и по цена да ја изгуби лиценцата

January 7, 2023
2 mins read

Праксата на многу професии на запад (лекари, адвокати, наставници, архитекти…) е под јурисдикција на соодветни регулаторни одбори и колеџи со мандат да ја заштитат јавноста од злоупотреби на професијата.

Нивна работа е да ги разгледуваат поплаките на конкретни случаи и да решат дали се доволно сериозни и кредибилни за да се продолжи со подетален увид во проблемот. Во огромен број случаи таквите поплаки биваат отфрлени како банални или чисто злонамерни. Кога ќе се реши поинаку, тогаш тоа е сериозен потег, рамен на судски процес.

Тоа неодамна му се случи на канадскиот клинички психолог Џордан Питерсон. На негова адреса немало ниедна поплака во тек на 20-тина години колку што работи како професор и терапевт, сè додека последниве години не стана глобално познат како трн во нога на доминантната квази-левица и топол ветар на кој се топат новоразбудените снегулки. 

Во последно време се собрале дузина поплаки а под таков притисок надлежниот Колеџ на психолози од Онтарио решил дека треба да преземе нешто:

„За моите злосторства, осуден сум на курс на „задолжителна обука за комуникација на социјални медиуми“ со таканаречени експерти на колеџот. Јас треба да го направам тоа на мој трошок од стотици долари на час), онолку долго колку што на моите превоспитувачи ќе им треба да се уверат сум ја научил лекцијата и дека во иднина ќе се однесувам правилно“, пишува Питерсон.

Накратко, човекот кој секојдневно комуницира со милиони луѓе, што следбеници, што хејтери, е пратен на обука за – комуникација. Патем, забележува дека „комуникација на социјални медиуми“ нема никаква врска со која било научна вештина или клиничка пракса за со неа да се бави неговиот професионален еснаф.

Ако прифати да оди на ре-едукација, тоа ќе значи дека прифаќа некаква вина, па Питерсон веднаш ја одби оваа „воспитна мерка“ по што процедурално ќе следува задолжително јавно испрашување/ истрага и можна суспензија на неговата клиничка лиценца.

Тој порачува дека е особено подготвен за таа фаза на случајот, за кој ветува дека ќе го направи јавен да појавен не може да биде.

На што се однесуваат поплаките? На ништо што има врска со неговата клиничка пракса со која има престанато уште во 2017 година затоа што поради популарноста, станало практички и етички невозможно да продолжи како приватен терапевт.

„Од првото до последното обвинување, не само што е независно од мојата клиничка пракса, туку е експлицитно политичко. За сè за што сум осуден на корекција е затоа што политички сум недоволно левичар. Премногу сум класично либерален – или, уште понепростливо – конзервативен“.

Една од поплаките се состои од доставен целосен транскрипт на неговото гостување кај Џо Роган.

Другите гревови му се:
– ретвитање на лидерот на канадската опозиција Пјер Поливр за непотребната суровост на ковид карантините.
– критикување на канадскиот премиер Џастин Трудо.
– критикување на неговата десна рака, Џералд Батс.
– критикување на локалните власти во Отава.
– зезање на сметка на новозеландската премиерка Џасинда Ардерн.

Долгогодишниот истражувач психолог од Харвард и Торонто за сево ова му пишал и на премиерот Трудо. Питерсон не тврди дека зад ваквиот прогон стои лично тој или неговите луѓе но затоа го потсетува дека ова се случува „на негова смена“ како директна последица на однесувањето и неговите присилни и идеолошки чисти политики.

За своите сограѓани Канаѓани, Питерсон има неколку непријатни прашања:

  • Зошто мислите дека нешто слично нема да ви се случи вам, или на некој што го познавате, го почитувате или го сакате?
  • Зошто мислите дека можете да продолжите искрено да комуницирате со вашите лекари, адвокати и психолози (и претставници на многу други регулирани професии) ако тие уште сега се толку преплашени од нивните регулаторни одбори што веќе не можат да ви ја кажат вистината?
  • Што ќе ги учат вашите деца кога сите нивни учители (и тоа е регулирана професија) толку се плашат од разбудената толпа што ги голтаат сите идеолошки лаги што сега се бараат од нив, без разлика дали веруваат во тоа што го зборуваат?
  • Каде ќе стигнеме ако дозволиме критики на јавни личности кои сме ги овластиле да владеат со нас да бидат основа за уривање не само на угледот на оној што критикува, туку и на самата негова егзистенција?
  • Колку далеку сме подготвени да одиме по овој пат, без да пружиме директен отпор?

ИЗВОР: off.net.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Честитка од Груби за Божиќ

Следно

(ФОТОГАЛЕРИЈА) Божикна литургија во Соборниот храм, политичарите со верниците

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop