Има многу начини како да ги изгубите вишокот килограми. Сепак, повеќето начини ќе ве остават гладни и незадоволни.
Ако немате челична волја, гладот ќе ве принуди брзо да се откажете од овие планови.
Затоа, суштината е значително да го намалите апетитот, да изгубите тежина без гладување, да го забрзате метаболизмот.
Еве едноставен план како да ослабите 10 килограми во 3 чекори за брзо слабеење.
1. Намалете ја количината на храна
Првото правило е да не се прејадувате. Јадете умерено. Разновидно. Целосно елиминирајте ги слатките, тестото, грицките (чипс и слично), брзата храна.
Намалете го внесот на прости јаглехидрати и дајте предност на јаглехидрати од овошје и цели зрна.
Кога ќе го направите ова, ќе забележите и дека апетитот ви се намалува. Нема да имате неконтролирана потреба од храна. Во исто време, ќе внесете многу помалку калории.
Друга предност на ограничениот внес на прости јаглехидрати е намалувањето на нивото на инсулин. Бубрезите го исфрлаат вишокот вода и натриум од телото. На овој начин се намалуваат отокот и задржувањето на водата.
Во првата недела од таквата диета можете да изгубите уште повеќе килограми.
Накратко, умерената исхрана, редовните оброци, елиминирањето на шеќерот (и скробот) во првата недела ќе го намали апетитот, нивото на инсулин и килограмите.
2. Јадете протеини, масти и зеленчук
Секој од вашите оброци треба да содржи протеини, масти и зеленчук, како и сложени јаглехидрати.
Извор на протеини
Растителни: соја, киноа, хељда, просо,…
Млечни производи: кисело млеко, младо сирење,…
Месо: говедско, пилешко, свинско, јагнешко, итн.
Риба и морски плодови: лосос, пастрмка, ракчиња итн.
Јајца: Јадете ги и белката и жолчката
Важно!!! Не претерувајте со внесувањето на ниту една од горенаведените намирници. Во текот на денот јадете до 2 јајца, не повеќе од 100-150 грама месо, 1 шолја варени житарки…
Комбинирајте ги протеините со зеленчук кој е нискокалоричен и има мала содржина на јаглехидрати.
Зеленчук со мала содржина на јаглехидрати: брокула, карфиол, спанаќ, домат, кељ, зелка, зелена салата, краставица, тиквички…
Диетата базирана на протеини и зеленчук ги содржи сите влакна, витамини и минерали што ви се потребни за да бидете здрави.
Не заборавајте дека протеините не се само од животинско потекло и не значат само месо!
Извори на масти: маслиново масло, кокосово масло, масло од авокадо, путер.
Мастите наведени погоре се добар избор и можете да ги комбинирате во секој оброк.
3. Физичка активност
Задолжително најмалку 3 пати неделно!
Изберете ја физичката активност која најмногу ви одговара. Движете се колку што е можно повеќе.
Извор: kurir.mk
