Нема да коментирам. Ова е одговорот на првиот човек на индустриските зони Јован Деспотовски, откако завчера лидерот на ВМРО ДПМНЕ Христијан Мицкоски рече дека странски компании кои сакале да вложат во зоните се жалеле од првиот човек на ТИРЗ. Деспотовски вели дека е отворен за разговор за сите заинтересирани компании, а некои разговори веќе се во тек.
Според Деспотовски, најдобар одговор на обвинувањата се резултатите кои слободните зони ги постигнале во последните осум години. Компаниите во Технолошко индустриските развојни зони во април годинава оствариле извоз од 300 милиони евра што е за осум проценти повеќе во однос на истиот месец лани и 21 процент повеќе во однос на април 2022 година, вели Деспотовски.
Ден по пбедата на парламентарните избори, првиот човењк на ВМРО ДПМНЕ Мицкоски најави голема инвестиција во енергетиката, но и две странски инвестиции во слободните зони. Сепак, како услов за нивни влез рече дека е оставката на првиот човек на зоните Деспотовски, кого го најави како иден лидер на СДСМ.
Извор: 24vesti.mk
