ИСТАНБУЛ (АА) – Националната турска авиокомпанија „Туркиш ерлајнс“ (THY) објави комерцијален филм снимен со светски познатиот португалски тренер Жозе Мурињо за финалето на Лигата на шампионите на УЕФА во 2024 година, јавува Анадолу.
Според соопштението на прес-службата на THY, рекламата е снимена за лондонското финале на Лигата на шампионите на УЕФА во 2024 година, чиј официјален спонзор е оваа компанија.
Финалето е закажано за 1 јуни 2024 година на Вембли, Лондон, а ќе играат Борусија Дортмунд и Реал Мадрид.
Во филмот, Жозе Мурињо, кој ги доживува уникатните услуги на „Туркиш ерлајнс“ за време на летот, победува во тежок шаховски натпревар. Додека ги дегустира гурманските деликатеси што ги нуди кујната на „бизнис-класата“ на THY, Мурињо во живо го следи и натпреварот од Лигата на шампионите на УЕФА.
Претседателот на Управниот одбор и Извршниот комитет, Ахмет Болат, рече дека „како ‘Туркиш ерлајнс’, тие се многу горди што се официјален спонзор на таков престижен настан како што е Лигата на шампионите на УЕФА. Во овој контекст, оваа соработка со Жозе Мурињо ја зајакнува силата на нашиот бренд во глобалната арена и неговата посветеност на спортот“.
Мурињо изјави дека THY со наградите што ги добива секоја година докажала дека е најдобра авиокомпанија во Европа.
„За мене е голема чест да работам со нив. Со оваа соработка ја комбинираме мојата страст за победа и уникатниот сервисен пристап на ‘Туркиш ерлајнс’“, изјави португалскиот експерт.
Извор: Anadolu Agency (AA)
